Beelde van God

Gautrein in Beeld
Die Gautrein-projek vorder fluks. Loanna Hoffman het haar kamera byderhand gehad.

Wie het wie verneder?
Weideman het dalk bietjie tee oor haar gekry voor 10 of 20 of 100 mense...

Leserskommentaar onderaan.

Jou wêreld, Jou koerant

Webwerf

Argiewe

beeld

Vennote

Beelde van God
Jun 29 2007 07:10:33:377PM - (SA)

Druk artikel
E-pos storie aan 'n vriend

“Hulle was kerkmense totdat die dubbele tragedie hulle getref het . . .”

‘n Mens hoor nogal meermale van mense wat as gelowiges lewe totdat ’n krisis meebring dat hulle niks meer van God wil glo nie.

Meestal, lyk dit my, is die groot oorsaak van so ’n afkeer ’n verdraaide beeld van God wat by mense posgevat het.

Ek kan aan ten minste vier sulke gevaarlike waanbeelde oor God dink:

Om geloof aan veral kinders te bemark, word dit as ’n suksesresep voorgestel: “Glo in God en alles sal reg uitwerk . . .”.

“As jy nie glo nie,” word op goedkoop verkoopstrant bygevoeg, “sal slegte dinge jou tref.”

Om ’n groepsgevoel te versterk, word geïnsinueer dat God aan die kant van ’n bepaalde groep sal wees. Hierdie soort burgerlike godsdiens verminder kritiese moraliteit maar vererger die skok wanneer magsoornames plaasvind.

Om sekerheid en hoop te verleen, word verkondig dat God alles sou beheer. God se worsteling met die kwaad en die onpeilbare verhouding tussen God se almag en sy liefde word bemarkingsonthalwe geïgnoreer.

Om mense aan te moedig om getrouer in hul geloofsbeoefening te wees, word die indruk geskep dat die Here gereelde gebede en moeitevolle gehoorsaamheid aan hom met voorspoed sal beloon.

Wanneer die lewe dan nie werk soos met hierdie verstaan van God geglo is nie, word God self verwerp. Dit is op die stadium te laat en te seer om ’n onderskeid tussen ’n valse godsbeeld en God self in te sien.

Leiers moet verantwoordelikheid neem om teen valse afbeeldinge van God te waarsku wetende dat ons God nie anders as deur beelde (metafore) ken nie. Christene glo dat Christus vir ons die duidelikste beeld kom wys het: God is ook met ons in lyding.

– Deur André van Niekerk

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi