Hý word glo Zuma-segsman
Apr 11 2008 09:00:05:620PM - (SA)
Mnr. Zizi Kodwa, een van mnr. Jacob Zuma, die ANC-leier, se voorste pryssangers in die aanloop tot die nasionale kongres in Polokwane, se lojaliteit sal eersdaags beloon word.
Beeld het betroubaar verneem dat Kodwa, tans ANC-jeugliga se woordvoerder, binnekort as Zuma se woordvoerder aangestel sal word.
Kodwa het gister gesê hy hoor self gerugte dat hy Zuma se segsman word. “Dis nie vir my om die gerugte te ontken of bevestig nie. Dít sou blote bespiegeling wees.”
Die jeugliga het Zuma sterk gesteun in die leierskapstryd met pres. Thabo Mbeki verlede jaar. Kodwa en mnr. Fikile Mbalula, voormalige president van die jeugliga, was voor in dié steun-koor.
) Zuma is vandag 66. – Abigail Isaacs
Teken in op Beeld
Kry Beeld op jou Facebook-profiel
Kry nuus op jou selfoon by www.beeld.mobi
|
