Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
| Jy is besig om toegang te kry tot geargiveerde inhoud van Beeld se webwerf. Kliek hier vir ons nuwe webwerf. |
||||||||||||||||||||||
|
Kankerkind verdryf drie met geweer
’n Jong kankerlyer van Centurion het gister met drie skote uit sy pa sy rewolwer ’n bende booswigte die hasepad laat kies. Drie booswigte het omstreeks 10:30 die voorhek, veiligheidshek en voordeur van die Besters se huis in Wierdapark, Centurion, oopgebreek. Marcé Bester (17), wat aan leukemie ly, het gelê en slaap nadat hy die vorige nag ’n terugslag weens sy kanker gehad het. “Die huishulp het my kom wakker klop en gesê daar is moeilikheid in die huis,” het Marcé gisteraand aan Beeld vertel. “Ek het my pepergas en flits gegryp vir ingeval ek die ou kon aanvat. In die gang het ek in hom (die een verdagte) vasgeloop. Hy het gesê ek moet my pepergas en flits neersit en op die vloer lê. “Ek het vir hom gesê hy kan alles vat, solank hy ons nie seermaak nie. Hy het my na my kamer geneem waar hy my selfoon en skootrekenaar, wat ek by die stigting Reik na ’n Droom gekry het, gevat het. Hy het ook my broer se selfoon uit sy kamer gevat.” Die verdagte het Marcé alleen gelos en na sy makkers in die sitkamer gegaan. Marcé het toe na sy pa se kamer weggeglip, die kluis oopgesluit, sy pa se vuurwapen geneem en drie koeëls daarin gelaai. “Terwyl jy die geweer laai, dink jy heeltyd: ‘Moet ek of moet ek nie,’ ” het Marcé gesê. “Toe ek uit my pa se kamer kom, het ek geskree: ‘Ek gaan julle skiet, ek gaan julle skiet!’ “Ek het drie skote gevuur. Ná die eerste een het hulle gevlug en op pad uit nog die televisie op die gras laat val ook.” Marcé se ma, Manda, het net lof vir haar seun se dapper optrede. Volgens haar ken hy al lank van swaarkry. Marcé was ’n baba toe sy sussie, Chanelle (3), aan leukemie dood is. Vier jaar gelede is hy met ’n hokkiebal teen die voorkop getref. ’n Jaar daarna was hy agt dae lank in ’n koma nadat ’n motor hom omgery het terwyl hy fietsgery het. Sowat vyf weke gelede het kanker aan sy deur kom klop. “Hy het nog met die skelms onderhandel en mooi gepraat,” sê me. Bester. “Deur dit alles bly my kind positief en hy veg terug. Ek is net jammer dat hulle my kind se droom gesteel het.” Marcé begin Maandag met ’n reeks kankerbehandelings vir drie weke. Buiten om vir Lance Armstrong te ontmoet, was dit sy droom om ’n skootrekenaar te hê veral vir wanneer hy behandeling kry. Insp. Ilze Jones, polisiewoordvoerder, sê die rowers het in ’n donkergrys Nissan Micra sonder nommerplate gevlug. ’n Saak van huisroof word ondersoek.
|
||||||||||||||||||||||
 |
||||||||||||||||||||||
|
||||||||||||||||||||||
|
vind
vind jou ou skoolvriende
Kies jou skool se provinsie |
|
|
