‘Hartwolk wys God is tevrede: SA keer terug’
Jun 04 2008 06:34:00:033PM  - (SA)  

Druk artikel  E-pos storie aan 'n vriend

'n Hartvormige wolk hang skuins bokant die verhoog tydens 'n onlangse byeenkoms in Vanderbijlpark waar mnr. Angus Buchan gepreek het. Op die foto staan Buchan agter op die verhoog en wag vir die sanger Joe Niemand om 'n lied klaar te sing voordat hy met sy preek begin. Foto: Mario van de Wall

Verwante Berigte 'Geestelike ontwaking hier' 'Soeke na iets positiefs' lok duisende na Angus 'God is 'n vriend van sondaars'

Dit was ’n teken dat die Here tevrede is dat die mense van Suid-Afrika besig is om terug te keer na Hom toe.

Só sê mnr. Angus Buchan, die Greytownse evangelis, oor die hartvormige wolk wat bokant die verhoog gehang het terwyl hy onlangs in Vanderbijlpark gepreek het.

Buchan sê terwyl hy gepreek het, het hy gesien mense wys met die vinger boontoe.

Hy het gedink hulle beduie na ’n ligte vliegtuigie wat verbygevlieg het.

Mense het egter foto’s geneem en dit word nou wyd op e-pos gesirkuleer. Eergisteraand by ’n mannesaamtrek in Moreletapark, Pretoria, is dit ook vertoon.

Buchan sê hy is ’n boer en God praat met hom deur die natuur. Hy wil graag glo dat dié wolk ’n teken van die Here is.

Hy vertolk dit as ’n teken van God se seën en sy tevredenheid daarmee dat mense hom as Here en Verlosser erken.

Hy bestempel dit as ’n verbasende ding. Die wind het eers gewaai en die wolke het oor die stadion gerol. Toe het die wind gaan lê en dié wolk het bokant die verhoog in die lug bly hang.

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi