Snaakse video's!
Kyk na die nuwe snaakse video's van lesers. Stuur jou video na mystorie@beeld.com
Beeld
'Vroue jag my'
Is alle wit Suid-Afrikaanse vroue (potensiële) prostitute?
Jou wêreld, Jou koerant
Soek Webwerf Argiewe      
Vennote

Jy is besig om toegang te kry tot geargiveerde inhoud van Beeld se webwerf.
Kliek hier vir ons nuwe webwerf.

'Geskiet om dood te skiet'
Oct 01 2008 08:19:36:327PM  - (SA)  

 Druk artikel
 E-pos storie aan 'n vriend
Hilda Fourie

Hulle het tuinstoele teen die kamervensters gesit, op die stoele gestaan en toe “geskiet om dood te skiet”.

Mnr. Johan Erasmus (51) het gisteroggend omstreeks 03:00 wakker geword van ’n geskietery en vensters wat breek by sy huis op Plaas Minnaar by Bye-nespoort in die Cullinan-omgewing.

Die aanvallers het by sy en sy vrou, Gina (48), en hul dogter Ronel (25) se kamers in geskiet. Ronel is in die been gewond.

Erasmus se ander dogter, Lucille (23), seun, Johan (14), en mnr. Braam Malan (25), Ronel se vriend, was ook in die huis.

“Ek het net vir almal in die huis geskree om weg van die vensters te kom en op die vloer te lê,” het Erasmus gesê.

“Sonder om te dink, het ek deur die kamervenster op hulle teruggeskiet en hulle het gevlug.

“Hulle het so nege skote in my dogter se kamer afgevuur en vier of vyf skote in my kamer.

“As ek nie dadelik teruggeskiet het nie, kon dit lelik geraak het en was ons miskien vandag nie meer hier nie.

“Hulle het geskiet om dood te skiet.”

Volgens Erasmus is daar ’n 2,4 m hoë geëlektrifiseerde heining om sy erf, wat die aanvallers geknip het om in te kom.

Die vensters aan die voorkant van die huis is almal stukkend geskiet.

Erasmus het gesê hulle kon nie sien hoeveel aanvallers daar was nie. Al wat Ronel gesien het, was ’n swart hand.

Sy moes gister ’n operasie aan haar been in ’n Pretoriase hospitaal ondergaan.

“ ’n Mens weet nie lekker wat om te doen nie,” het Erasmus gesê. “Jy koester maar wraakgedagtes.”

Mnr. Johannes Jaftha, polisiewoordvoerder, het gesê drie mans, onderskeidelik 19, 24 en 28 jaar oud, is sowat ’n uur ná die voorval in hegtenis geneem.

Huisbraakgereedskap is in hul besit gevind.

Volgens Jaftha word hulle voorlopig vir ondervraging aangehou, maar is hulle nog nie formeel aangekla nie.

Die verdagtes kan dalk met ander huisbrake in die omgewing verbind word, het Jaftha gesê.


Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi

vind
Plaas jou GRATIS advertensie hier!
SOEK | KOOP | VERKOOP
vind jou ou skoolvriende

Kies jou skool se provinsie



en klik op die eerste letter van jou skool
A B C D E F G H I J K L M N O P Q R S T U V W X Y Z


Adverteer in Beeld | Kontak ons |