Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
Honderde visvrektes in meer is ’n ‘tragedie’
Vanderbijlpark. – Honderde reuse-karp van moontlik tot 15 kg, asook moddervis, het die afgelope week in die Bedworth-parkmeer, langs die Vaal University of Technology (VUT), gevrek. Hengelaars het dié visvrekte as ’n “tragedie” beskryf en gesê die omvang daarvan is die ergste in menseheugenis. Mnr. Johannes Booyens, pensioentrekker van dié dorp, het gister langs die meer gestaan en net sy kop geskud. “Dis enige visserman se droom om ’n karp van 15 kg uit die water te trek. En kyk: Hier lê hulle morsdood. Dis om van te huil.” Hy meen sommige van die dooie vis kan tot 20 kg weeg. Booyens hengel al sedert die middel-1970’s in dié mensgemaakte meer wat tussen die VUT en die Vaalrivier geleë is. Dit was vroeër jare ook ’n gesogte piekniekplek. Mnr. Thomas du Toit, woordvoerder van Save Our Vaal Environment (Save) wat gister die meer besoek het, het gesê dit is ’n “skande” dat mense so min respek vir die land se waterbronne het. Hy meen dis ’n brousel van chemikalieë, motorolie en rioolafval wat tot die visvrekte gelei het. “Ons gaan by die Emfuleni- plaaslike owerheid en die departement van waterwese en bosbou aandring om vas te stel wat hier gebeur het. Ons gaan ook daarop aandring dat die besoedelaars beboet word.” Volgens Du Toit het hy ook die departement van waterwese en bosbou se enigste Groen Skerpioen, mnr. Nigel Adams, versoek om die meer te besoek. Beeld het Adams gebel, maar hy het nie sy telefoon beantwoord nie en sy boodskapgeriewe was vol. Tussen die vis het plastiekbottels en -sakke en hope ander gemors gedryf. Bo-op die water was ’n olielaag. Mnr. Pieter Botha, ook ’n hengelaar, het gesê hy is “moedeloos” oor mense se minagting van die omgewing. “Ek droom daaroor om eendag vir my kleinkinders die meer te wys en te sê: ‘Kyk, hier het Oupa as klein seuntjie visgevang.’ Wat gaan ek nou vir hulle sê?” Volgens ’n personeellid van die departement van gesondheid van die Emfuleni- plaaslike owerheid het amptenare glo gaan ondersoek instel. Hul woordvoerders was gister by ’n werksessie en het nie op Beeld se navrae gereageer nie. Die departement van waterwese en bosbou was ook nie beskikbaar nie. Mnr. Bernard Venter, ’n hengelaar en lid van Eco-Care, ’n nie-regeringsorganisasie, het gesê as karp vrek, is dit ’n aanduiding dat die hele ekostelsel besmet is. Hy meen talle ander inheemse vis het waarskynlik ook gevrek. Booyens het gesê hy het gister laatmiddag ook op dooie rietrotte en ’n baber van meer as 1,5 meter lank afgekom. Volgens Du Toit het navorsers aan die Universiteit van Johannesburg gister begin nette span om te kyk of daar nog enige lewendige vis oor is.
|
||||||||||||||||||||||
 |
||||||||||||||||||||||
|
||||||||||||||||||||||
|
vind
vind jou ou skoolvriende
Kies jou skool se provinsie |
|
|
