Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
| Jy is besig om toegang te kry tot geargiveerde inhoud van Beeld se webwerf. Kliek hier vir ons nuwe webwerf. |
|||||||||||||||||||||
|
Leeupark: klagte teruggetrek
Die aanklagte teen twee van ses verdagtes wat weens ’n gewapende rooftog en die moord meer as vyf maande gelede op ’n besoeker aan die Leeupark in Muldersdrift aan die Wes-Rand aangekla is, is gister in die Krugersdorpse streekhof teruggetrek. Mnre. Champion Malatsi, Nkosinathi Nthembu, Thabo Msimande, Daniël Seoka, Jan Ngobela en Sicelo Masondo, almal tussen 23 en 30 jaar oud, is weens die moord op mnr. Kurt Dieter Huppe (27) van die Oos-Rand, aangekla. Huppe is op 6 Julie summier in die bors geskiet toe hy niksvermoedend uit die badkamer by die restaurant in die Leeupark na me. Stacey Wooley (23), sy swanger vriendin, en haar sesjarige dogtertjie gestap het. ’n Groep van minstens agt mans het toe die restaurant binnegestorm en dagbesoekers, toeriste en werkers met vuurwapens aangehou en geld gebuit. Die ses is op 8 Oktober in Diepsloot, noordwes van Johannesburg, aangekeer. Twee lede van die rowerbende is steeds soek. ’n Uitkenningsparade is op 28 Oktober gehou. Die saak is gister van die Krugersdorpse landdroshof na die streekhof oorgeplaas, waarna aanklagte van moord en gewapende roof teen mnre. Seoka en Msimande teruggetrek is omdat die staat hulle nie positief met die voorval kon verbind nie. Die ander vier verdagtes bly in aanhouding en sal volgende week in die streekhof om borgtog aansoek doen.
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
