Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
| Jy is besig om toegang te kry tot geargiveerde inhoud van Beeld se webwerf. Kliek hier vir ons nuwe webwerf. |
||||||||||||||||||||||
|
2 gaan weer streng kom dans ná fout
Weens ’n elektroniese optelfout kry die paartjie wat eergisteraand op die agtste episode van SABC2 se Strictly come dancing “uitgestem” is, ’n tweede kans. Die vervaardigers van die reeks het gister bekend gemaak Garth Collins, voorheen bekend as die Gladiator Granite, en sy dansmaat, Hayley Bennett, is om dié rede verkeerdelik uitgestem. Weens die rekenaar se optelfout het die paartjie teen 5fm se Anele Mdoda en Brandon Eilers Le Riche gedans, terwyl hulle eintlik teen die model en TV-aanbieder Tessa van Duuren en Grant Esterhuizen moes gedans het. Kykers se stemme tel 50%, maar in die geval van ’n gelykoptelling moet die paartjies weer dans en het die beoordelaars – Lilian Phororo, Dave Campbell, Salome Sechele en Tyrone Watkins – die laaste sê. Luidens ’n verklaring het ’n fout ingesluip met die formule wat gebruik word om kykers se stemme met die beoordelaarspunte te versoen. Die verkeerde formule is gebruik. Dit blyk dat verlede week se formule gebruik is en nie die opgedateerde een nie. “Die agtste episode is die grootste uitdaging in die reeks,” sê me. Kee-Leen Irvine, uitvoerende vervaardiger van Rapid Blue wat die reeks in Suid-Afrika vervaardig. Volgens haar het die produksiespan, sowel as ’n span ouditeure, net ’n paar minute om die punte op te tel. “Die stemme is so naby mekaar dat daar dikwels op die laaste nippertjie veranderinge intree,” sê Irvine. Sy sê die ouditeure gaan die uitslae altyd eers na, maar toe die fout opgemerk is, was dit midde-in die uitsending van die uitslae. As gevolg van die fout keer Bennett en Collins terug na die reeks. Die vervaardigers sal volgende week bekend maak hoe die uitstemmingsproses aangepas gaan word. Vandeesweek se stemme sal by volgende week s’n gevoeg word. Die reeks, met ’n gelyknamige BBC-reeks as grondslag, word elke Donderdag van 19:30 tot 20:30 en van 21:30 tot 22:00 uitgesaai.
|
||||||||||||||||||||||
 |
||||||||||||||||||||||
|
||||||||||||||||||||||
|
vind
vind jou ou skoolvriende
Kies jou skool se provinsie |
|
|
