Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
|
‘Tarzan’ kom meer buite
Die agtjarige “Tarzan van die voorstede”, wie se pa hom minstens vier jaar lank in hul huis in Olivedale, Randburg, gevange gehou het, word nou geleidelik aan die buitewêreld gewoond gemaak. Hy word ook al hoe meer gereeld met mense in kontak gebring, het me. Khosi Msibi van Johannesburg-Kinderwelsyn gister aan Beeld gesê. Die seun het teen gistermiddag steeds nie geweet sy pa is dood nie. Die kind se 68-jarige pa is ’n week gelede in die Helen Joseph-hospitaal in Johannesburg dood. ’n Week tevore is die seuntjie agter die geslote hek van sy pa se huis ontdek toe hy twee 5c-stukke deur ’n opening in die hek gedruk en desperaat na iemand geroep het om vir hom kos te koop. Sy ma, na bewering die man se huiswerker, het die huis glo sowat vier jaar gelede verlaat en nooit teruggekeer nie. Sedert hy vrygelaat is, ontvang die kind sielkundige behandeling in ’n hospitaal se kinder- psigiatriese eenheid. “Hy vorder goed en is al baie kalmer,” het Msibi gesê. Om hom ná al die jare van afsondering aan die buitewêreld gewoond te maak, word hy daagliks na die hospitaaltuin en die onmiddellike gebied daar rondom geneem. Volgens Msibi sal die welsynorganisasie moontlik volgende week in koerante adverteer om só sy ma te probeer opspoor. As dié poging misluk, sal die proses begin om hom by pleegouers te plaas wat nie familie is nie. Ondanks gerugte dat die kind se oom van Oostenryk in Johannesburg aangekom het, het geen familie van die kind haar tot dusver gekontak nie, het Msibi bevestig.
|
|||||||||||||||||||||||||
 |
|||||||||||||||||||||||||
|
|||||||||||||||||||||||||
|
vind
vind jou ou skoolvriende
Kies jou skool se provinsie |
|
|
