Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
| Jy is besig om toegang te kry tot geargiveerde inhoud van Beeld se webwerf. Kliek hier vir ons nuwe webwerf. |
|||||||||||||||||||||
|
Obama-inhuldiging net vir SA skottelkykers
Kaapstad. – Geen Suid-Afrikaanse televisiekanaal het tans planne om mnr. Barack Obama se inhuldiging as president van die VSA op 20 Januarie lewendig aan hul kykers hier te wys nie. Daarenteen woel die grootste openbare TV-uitsaaiers in lande oor Europa, Suid-Amerika, Asië en selfs Australië agter die skerms om die mega-gebeurtenis te dek. Selfs staatsuitsaaiers in verskeie ander Afrika-lande is gretig om die inhuldiging van die VSA se eerste swart president uit te saai. SABC1, SABC2 en SABC3 het egter almal afsonderlik aan Beeld gesê dat daar geen planne is om die inhuldiging self te dek nie. E.tv het ook nie enige Obama-inhuldigingsplanne nie. M-Net, wat gewoonlik Hollywood se grootste vermaakwêreldseremonies soos die Oscars en Emmys uitsaai, gaan dit ook nie wys nie. “M-Net is ’n algemene vermaakkanaal. Ons saai nie normaalweg nuusitems uit nie en die enigste gepaste platform vir die inhuldiging is Carte Blanche. Indien ons die geleentheid dek in Carte Blanche of die skedule verander, sal ons kykers inlig,’’ het me. Lani Lombard, M-Net se publisiteitshoof gesê. Tydsgewys begin die nuuswaardige inhuldiging om 19:00 Suid-Afrikaanse tyd, wat dit in plaaslike spitskyktyd pas waar die groot geleentheid die potensiaal het om die maksimum hoeveelheid TV-kykers te trek. Altesame 4 miljoen ekstra besoekers word op 20 Januarie vir die inhuldiging in Washington D.C. verwag, met 11 000 weermagtroepe wat in die stad ontplooi sal word. DStv-intekenare sal minstens die gebeure op van die internasionale nuuskanale soos CNN, BBC World News en Sky News kan volg. Die plaaslike e.News Channel het bevestig dat die kanaal ook die inhuldiging in sy geheel regstreeks sal wys. Dié nuuskanaal kan egter nog nie bevestig of hy Suid-Afrikaanse joernaliste na die geleentheid sal stuur, soos wat hy met die Amerikaanse presidentsverkiesing in November gemaak het nie.
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
