Kies jou skool se provinsie
|
||||
|
|
|
||
| Jou wêreld, Jou koerant | ||||
|
||||
|
|
|
||
| Jou wêreld, Jou koerant | ||||
|
Vennote
|
| Jy is besig om toegang te kry tot geargiveerde inhoud van Beeld se webwerf. Kliek hier vir ons nuwe webwerf. |
|||||||||||||||||||||
|
Russiese kernskip nie in SA hawe toegelaat
Kaapstad. – ’n Kernaangedrewe Russiese oorlogskip is toegang tot Suid-Afrika geweier. Die swaar kruiser Piotr Veliki sou die Tafelbaai-hawe vandeesmaand aangedoen het. Die Nasionale Kernreguleerder (NKR) het egter ’n aansoek deur die Suid-Afrikaanse Vloot namens die Russiese Federasievloot vir dié besoek afgekeur. Goedkeuring moes ingevolge die Wet op die Nasionale Kernreguleerder vir die besoek van 9 tot 15 Januarie verkry word. Mnr. Gino Moonsamy, woordvoerder van die NKR, het gister bevestig hulle het die aansoek afgekeur en ’n kennisgewing is op 2 Januarie aan die Suid-Afrikaanse Vloot gestuur. Die weiering was op grond daarvan dat die aansoek op 12 Desember in die Staatskoerant geadverteer is en dat daar dus nie genoeg tyd sou wees vir die verlangde 30 dae van openbare deelname voordat die skip sou vasmeer nie. ’n Veiligheidsopname is ook nie deur die Russe voorsien nie. Dié gesertifiseerde opname moet deur ’n onafhanklike Russiese owerheid gedoen word. Die Russe het ook nie ’n verlangde omvattende noodplan in die geval van ’n kernongeluk verskaf nie. Lt.kdr. Greyling van den Berg, woordvoerder van die Suid-Afrikaanse Vloot, het gesê hulle kan in dié stadium nie reageer nie. Dit is ’n saak tussen die Russe en die NKR. “Ons wag vir die papieroorlog om homself uit te woed. Ons kan net terugsit en kyk wat gebeur,” het Van den Berg gesê. Hy het bygevoeg dit is ’n jammerte dat die Piotr Veliki, wat 256 m lank is en ’n verplasingsmassa van meer as 20 000 ton het, waarskynlik nié hier gesien sal word nie. Dié oorlogskip is meer as dubbel so lank as Suid-Afrika se fregatte van sowat 121 m.
|
|||||||||||||||||||||
 |
|||||||||||||||||||||
|
|||||||||||||||||||||
|
vind
vind jou ou skoolvriende
Kies jou skool se provinsie |
|
|
