’Knypie’ herleef én gedy
Nov 20 2008 07:22:40:950PM - (SA)
Die komediespan wat vanjaar hoeveel mense laat krul het van die lag met die klug Knypie oppie kant, is in 2009 gereed met ’n dubbeldoor: die opvolgklug Knypie 2 – ’n Dubbeldosis open op 7 Februarie in die Dramateater van die Staats- teaterkompleks in Pretoria, en Knypie oppie kant (1) word van 9 April spesiaal vir die Johannesburgers in die Nelson Mandela-teater by die Johannesburgse Stadskouburgkompleks aangebied.
Die opvolg word beskryf as “dieselfde bestanddele vir ’n nuwe resep”. Tobie Cronjé en Hannes Muller span weer hul komiese kragte saam onder die regisseurs- en vertalershand van Pierre van Pletzen.
Die eerste weergawe, wat in Johannesburg te sien gaan wees, was so gewild in Pretoria vroeër vanjaar dat die seisoen verleng moes word.
Knypie oppie kant, geskryf deur Ray Cooney, se oorspronklike titel is Two into one. Die opvolg is Out of order en dit het die ’n toekenning vir komedie van die jaar in Londen gewen.
Bespreek vir die vertonings deur Computicket.
Teken in op Beeld
Kry Beeld op jou Facebook-profiel
Kry nuus op jou selfoon by www.beeld.mobi
|
