'Vlieënier van ramptuig wou dalk weer opstyg'
Jul 20 2007 11:26:26:193AM  - (SA)  

Druk artikel  E-pos storie aan 'n vriend

Verwante Berigte Beeld se Google-grafika: Vliegramp Kry Beeld se Google-grafika só

'n Video wat deur die nasionale lughawe-owerheid vrygestel is, wys glo dat die vliegtuig ná die landing versnel het en nie gerem het nie - moontlik omdat die vlieënier weer wou opstyg.

Intussen word berig dat dit 'n maand of langer kan neem om al sowat 200 slagoffers van die ramp uit te ken.

Die Airbus A320 het in vlamme uitgebars nadat dit in gietende reën op die lughawe in Sao Paulo ná 'n vlug van Porto Alegre geland het.

Die volle lengte van die aanloopbaan waarop die straler van die TAM-lugdiens neergestryk het, was nie ver genoeg vir die tuig om tot stilstand te kom nie.

Dit het deur 'n versperring gebars en is oor 'n besige pad voordat dit teen 'n vulstasie en 'n gebou van dié lugdiens gebots het. - Sapa-AP

Minstens 15 mense wat op die grond was tydens die ongeluk is volgens owerhede ook dood. Sowat 12 ander is beseer en in hospitale in die stad opgeneem.

"Ek is ingelig dat die temperatuur binne die vliegtuig 1 000 grade (Celsius) was, dus is daar feitlik geen kans dat iemand oorleef het nie," het goewerneur Jose Serra aan Sapa-AP gesê.

"Ek het skielik 'n harde ontploffing gehoor en die aarde het geskud," het 'n werknemer van TAM wat op die lughawe was, gesê. "Ek het opgekyk en 'n groot vlammebol gesien en brandstof en swawel geruik."

Reddingswerkers en forensiese deskundiges het na wat berig word teen vroeg Woensdagoggend (SA tyd) reeds sowat 30 lyke in die wrak gekry. Vier ure ná die ramp was die vlamme nog nie geblus nie en was talle nooddienstevoertuie steeds op die toneel.

Kritici waarsku reeds lank dat die aanloopbaan op die lughawe te kort is vir groot vliegtuie wat in nat weerstoestande neerstryk. - Sapa-AP en Reuters

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi