Borsvoed verminder kans op kanker - studie
Sep 29 2008 07:03:29:187PM  - (SA)  

Druk artikel  E-pos storie aan 'n vriend

Londen. – Vroue wat hul babas vir ’n jaar of langer borsvoed, het 5% minder kans om borskanker te ontwikkel.

Dit is die bevinding van die Wêreld-kankernavorsingsfonds aan die hand van 7 000 gevallestudies.

Volgens sy hoofnavorser, dr. Rachel Thompson, is dit belangrik dat vroue die voordele van borsvoeding besef. ’n Vroeër studie deur die organisasie het bevind dat driekwart van alle vroue nie bewus is van al die voordele wat dit inhou nie. “Die boodskap wat ons wil uitdra, is dat dit iets positief is,” lui ’n verklaring. Vroue se kanse om borskanker te ontwikkel, verlaag met byna 5%, ongeag of hulle twee babas vir ses maande elk borsvoed of een baba vir ’n jaar lank, het Thompson aan die begin van borskanker-bewusmakingsmaand gesê.

“Vyf persent klink dalk nie baie nie, maar hoe langer jy borsvoed, hoe laer is jou kanse om die siekte te ontwikkel.” – Anesca Smith

Teken in op Beeld

Kry Beeld op jou Facebook-profiel

Kry nuus op jou selfoon by www.beeld.mobi