Kies jou skool se provinsie
| Beeld | Die Burger | Volksblad | Rapport | Sake24 | Jou Geldsake | LitNet | KykNet | Gemeenskapskoerante | NetAfrikaans | ||||
|
|
|
||
Bloem 14°C - 25°C> |
| Jy is besig om toegang te kry tot geargiveerde inhoud van Volksblad se webwerf. Kliek hier vir ons nuwe webwerf. |
||||||||||||||
|
Pa sterf drie weke ná seun se skietdood
KOPPIES. – ’n Bekende voormalige melkboer van die distrik wat onlangs in ’n aanval in sy huis in Pretoria gewond is toe sy jongste seun doodgeskiet is, is gister in die hospitaal aan sy beserings dood. Mnr. Chris Bam (57) is sedert die aanval deur inbrekers drie weke gelede in hul huis in Doornpoort, Pretoria, in die Akasia-hospitaal behandel. Hy het verskeie skietwonde in onder meer sy maag en been opgedoen. Sy seun André (26), wat voor hul trek na Pretoria enkele maande gelede vir die Griffons in die Noord-Vrystaat rugby gespeel het, is deur die inbrekers in die kop geskiet. Sy begrafnis op Koppies was volgens inwoners een van die grootste wat die dorp nog beleef het. Sy pa word Dinsdag om 11:00 uit die NG moederkerk Koppies begrawe. Bam (sr.) het sy boerdery op Koppies verkoop omdat hy wou aftree. André het hom help boer voordat hulle na Pretoria verhuis het. Bam (sr.) was ’n goeie fietsryer wat reeds verskeie wedrenne suksesvol voltooi het. Hy het Noord-Vrystaat-kleure in dié sport gekry. Bam word oorleef deur sy vrou, Veronica, twee dogters, Adelle en Lindy, en ’n seun, Derik.
|
||||||||||||||
|
Vind
vind jou ou skoolvriende
Kies jou skool se provinsie |
||||||||||||||||||
|
|