Eindronde: Rugby league is ’n moet
Nov 13 2008 03:27:19:293PM  - (SA)  

Druk artikel   E-pos storie aan 'n vriend

Diegene wat in dié wedstryd by die Rovers-rugbyklub koning kraai, sal tot die Suid-Afrikaanse klubkampioenskap later vanjaar deurdring.

Die onderskeie spanne het vanjaar al baie goeie spel gelewer. Veral die Aquilas van Bloemfontein het in hul eerste jaar baie goed gedoen en sal die Broncos van Rovers in die eindronde aanpak. Die Broncos is onoorwonne en dit beloof om ’n titaniese stryd tussen die twee spanne te wees. Dié wedstryd skop om 17:00 af.

Die Bulldogs van Virginia en die Titans van Bloemfontein speel om 15:00 vir die derde en vierde plek uit.

Die dag sal ook as proewe vir die provinsiale spanne dien.. Die Goldfield Phantoms en Vrystaat Wild Cats takel mekaar op 29 November op die Noordwes-rugbystadion in ’n interprovinsiale rugby league-dag.

Die program is soos volg:?

Dave van Reenen-beker (junior spanne): B-veld

Eagles vs Vaal Buffaloes (11:20) en Panthers vs Phantoms (13:00).

Johan Roodt-beker:

Vaal Buffaloes B vs Phantoms B – A-veld (11:20), Panthers B vs Wild Cats B – B-veld (14:40) en Eagles B vs Northern Bulls B – B-veld (16:20).

Tom van Vollenhoven-beker: A-veld:

Panthers A vs Wild Cats A (13:00), Eagles A vs Northern Bulls A (14:40) en Phantoms A vs Vaal Buffaloes A (16:20).?

Dit beloof om ’n?uitstekende dag?propvol opwinding te wees en die organiseerders wil graag soveel as moontlik?toeskouers?trek om?in?die sport van die toekoms te deel. Hekgeld is R20 per volwassene en vir skoolkinders is dit gratis.